بلا تمهيد .. ولا تلوين .. ولا حاجه
وبإشاره من الحاكم … بأمر الخوف
صدر فرمان
بصَلب الفجر فوق راس الغلابى …. الآآآآه
و فوق ضهر الوجع يقعد ذليل مقلوب
عشان يبقى البعيد عِبره
ويخرس كل من فكر ولو مره … يقولها لأ
بلا تمهيد .. ولا ترويض .. ولا حاجه
وبإشاره من الحاكم .. بأمر العوزه والحاجه
تقرر إنه يكافئكم على خضوعكم
ويدبح كل من ينطق … وبلحومهم يسمنكوا
ويؤمر ف السما تمطر سراب ملعون
عشان يروى الخرس فيكوا
ويطرح بور أراضيكوا … غوانى وهم … يسكركوا
بلا تمهيد .. ولا تجديد .. ولا حاجه
وبإشاره من الحاكم.. بأمر ضلال
زرع فوق المدن أصنام
وجوا الدير بنى معبد
وسبّح بالشيطان ربه
عشان يبقى على جهل البشر سيّد
ويبقى المجد ….. للدجال
بلا تمهيد .. ولا تهويد .. ولا حاجه
وبإشاره من الحاكم … بأمر كلاب
بنى عازل
ما بين الاخ واخواته … بنى عازل
ما بين الشمس وضياها .. بنى عازل
ما بين الكلمه والسامعين .. بنى عازل
عشان لما الامام ينوى يصلى ينادى بسم الله
ما يلقى وراه .. سوى فُرقه وجدار عازل
بلا تمهيد … ولا تقييد .. ولا حاجه
وبإشاره من الحاكم .. وانا محكوم
صدر فرمان
بإنى
